Alda kalda

Stopp í bili...

Tue, 07 Nov 2006 19:29:06 GMT

Núna er heldur betur langt síðan ég hef skrifað hérna inn enda búið að vera nóg að gera hjá mér. Eins og flestir vita sem lesa þetta blogg þá fæddist hún litla sæt mín þann 28. september síðastliðinn og er því að verða sex vikna á fimmtudaginn. Við erum flutt í Hólminn og höfum það rosa fínt. Ég reyni að skrifa reglulega inn á síðuna hjá litlu sæt og ætla því að setja þessa síðu í smá bið því það er alveg nóg að hafa eina síðu í gangi í einu ;)

Bæjó

Alda kalda :haha:

8 mánuðir...

Tue, 05 Sep 2006 08:45:38 GMT

Jæja nú er ég komin átta mánuði...frekar skrítið hvað er stutt í þetta 8| En auðvitað svaka spennandi :haha: Ég byrjaði að vinna hálfan daginn núna í september og það er þvílíkur munur - ekkert smá gott að geta slappað aðeins af eftir hádegi og tekið lúr og svona. Svo hætti ég alveg að vinna um miðjan september...

Sigrún sys og Leifur fengu íbúðina sína afhenta í gær - svaka gaman. Við fórum auðvitað strax að skoða, næstum eins spennt og þau held ég barasta. En íbúðin er rosa flott og það verður mjög kósý hjá þeim. Nú ætla þau bara að fara mála og þrífa og gera allt tilbúið og svo geta þau flutt inn. Þetta verður því líklega síðasta vikan þeirra hjá mömmu og pabba...en innilega til hamingju aftur með íbúðina elsku Sigrún og Leifur :)

Eygló sys fór svo til Portúgal í morgun með Brandi ástmanni sínum og vinapari þeirra. Þau ætla að vera í viku og hafa það gott...væri nú alveg til í svona ferð en það verður að bíða þar til næsta sumar :)

Annars er bara allt fínt að frétta af okkur...Siggi fer í dag í Hólminn og verður líklega alla vikuna. Það gekk ekki alveg nógu vel hjá þeim á Valsmótinu, en þeir spiluðu þó betur eftir því sem á leið...sem er þó jákvætt.

Svo eru landsleikir núna hægri vinstri - tveir heimaleikir hjá strákunum og tveir hjá stelpunum. Þær byrja reyndar á því að fara til Hollands og spila við Meindert og félaga...þær spila leikinn í Rotterdam en þar spilaði ég stjörnuleikinn í febrúar. Það hefði nú verið gaman að vera spila og fara með en ég kem bara sterk inn í heimaleikinn á næsta ári, hehehehe ;)

en jæja nóg bull í bili

Alda kalda :haha:

Sigrún sys íbúðareigandi :)

Mon, 28 Aug 2006 08:50:10 GMT

Já nú er sko allt að gerast í Espigerðinu...Sigrún sys og Leifur eru búin að kaupa sér íbúð! Þau keyptu sér bíl í síðustu viku og íbúð núna - hvað kemur í næstu viku? hehehe En þetta er ekkert smá gaman - þau gerðu tilboð á föstudaginn sem var samþykkt og svo eiga þau eftir að ganga frá peningamálunum og þá fá þau íbúðina afhenta. Þau keyptu íbúð í Furugerði 21 svo það er ekki langt að fara ;) Ég held að ég sé næstum eins spennt og þau og hlakka rosalega mikið til að sjá hana...til hamingju með íbúðina elsku Sigrún og Leifur :)

Ég og Siggi skruppum svo í Hólminn á föstudaginn og Siggi fór á tvær æfingar. Við erum ekki búin að fá íbúð þar ennþá svo við gistum hjá ömmu og afa hans Sigga og höfðum það rosa gott hjá þeim. Við fáum svo íbúð 15. sept svo við þurfum að fara athuga hvað okkur vantar og hvað við tökum með okkur og þess háttar. Við verðum svo með herbergi hjá mömmu og pabba líka svona fyrst eftir fæðinguna og svo þegar við komum í bæinn...ætli við flytjumst ekki upp þegar Sigrún og familí flytja í nýju íbúðina. Þá fer stóra fjölskyldan frá mömmu og pabba og þau fá eina litla í staðinn ;)

Annars er þetta síðasta vikan mín sem ég vinn allan daginn jei :) það verður rosa gott að minnka aðeins vinnuna enda orðin soldið þreyttari núna. Svo verður Siggi líklega lítið heima þessa viku, æfingar komnar á fullt og fyrsta æfingamótið á næstu helgi...

En jæja, nóg í bili...

Alda kalda :haha:

Nýr bíll :)

Fri, 18 Aug 2006 08:43:43 GMT

Jiiii haldið að ég sé barasta ekki búin að kaupa mér bíl...fyrsti bíllinn jei :) Hann er bara rosa fínn, dökkblár VW Passat. Svaka gaman - við erum að fara núna á eftir að borga og ganga frá öllu...

Var að reyna að setja mynd af kagganum hérna en það er ekki alveg að ganga...

Alda kalda :haha:

Ný síða fyrir litlu sæt...

Wed, 16 Aug 2006 15:59:08 GMT

Jæja loksins er ég búin að búa til nýja síðu fyrir litlu skvísuna en ég var alltaf á leiðinni að gera það 8| en síðan er sem sagt hér: www.barnanet.is/sigurdardottir Svo nú verður aldeilis hægt að fylgjast með okkur þegar við erum komin í Hólminn :)

Annars er það helst í fréttum að ég og Siggi erum að fara versla okkur bíl. Við erum svona rétt að byrja að skoða en mig langar eiginlega að drífa þetta bara af. Við erum núna mikið að skoða VW Passat og erum einmitt að fara kíkja á tvo slíka þegar Siggi er búinn að vinna. Ég er nú bara soldið spennt því þetta verður fyrsti bíllinn minn :)

En jæja, ætla að drífa mig heim

Alda kalda :haha:

Systrakvöld :)

Fri, 04 Aug 2006 13:33:11 GMT

Í gær hittumst við systur heima hjá mér í Blíðheimum en við vorum búnar að plana systrakvöld. Sigrún og Eygló fóru að versla á meðan ég var í jóga og svo elduðum við okkur rosa gott kjúklingasalat, snittubrauð með Sacla bruchettablöndu og hrísgrjón. Í eftirmat höfðum við pekan- og karamelluís með jarðaberjum, vínberjum og súkkulaðisósu. Þetta var rosa gott og svaka kósý hjá okkur systrum. Mamma kíkti svo smá í heimsókn og tjattaði við okkur í smá tíma. Svo fórum við systur í Trivial pursuit...Þegar klukkan var að nálgast hálf tólf þá ákváðum við að stoppa í spilinu en þá var Sigrún með flesta kökur, svo ég og svo Eygló. Held að ég og Eygló viljum fá rematch einhvern tímann fljótlega, hehe :)

Annars er ég bara ein heima þessa dagana, Siggi og Óskar eru báðir í Finnlandi í landsliðsferð. Siggi er að spila með A-landsliðinu en Óskar fór út sem aðstoðarmaður/aðstoðarþjálfari með U-16 ára liðinu. Hann var reyndar nýkominn heim frá Ítalíu þar sem hann fór út með U-18 ára landsliðinu og kom heim í einn dag áður en hann fór til Finnlands.

Siggi er núna líklegast að hita upp fyrir leikinn gegn Noregi. Það hefur ekki gengið nógu vel hjá þeim en þeir eru búnir að tapa fyrstu tveimur leikjunum á móti Finnlandi og Svíþjóð. En hann kemur nú heim á sunnudaginn svo ég er nú ekki lengi ein :) Eina góða við að hann Siggi minn er ekki heima er að þá er meira pláss í rúminu...ég er nefnilega farin að taka aðeins meira pláss en vanalega 8|

Svo er verslunarmannahelgin að ganga í garð, en ég verð bara heima þetta árið. Förum reyndar í eins árs afmæli til Guðnýjar Eddu á mánudaginn en Steffý og Gísli ætla að halda smá afmælisveislu fyrir skvísuna upp í sumarbústað...það verður örugglega gaman.

En bið bara að heilsa í bili - hafið það gott á helginni

Alda kalda :haha:

Gleðilegt sumar :)

Fri, 21 Jul 2006 10:08:50 GMT

Jæja loksins að það kom smá sól fyrir okkur hérna á þessu blessaða landi. Svaka fínt veður í gær, mætti snemma í vinnuna og hætti rétt fyrir þrjú og hitti Fíu skvís í sundi. Það var rosa nice, og ég meira að segja komin með smá far jibbí :) Held samt að ég leggi ekki aftur í sólbað í dag, smá rauð svona eftir sólina enda húðin mín búin að upplitast all svakalega undanfarna mánuði...stefnir allt í áframhaldandi góðviðri - alla vegna á helginni - svo ekki er það nú verra. Siggi er reyndar orðinn svaka brúnn, enda búinn að vera úti í allt sumar en fékk þessa fínu bóndabrúnku á mið og svo svaka hlýrabolafar eftir gærdaginn...svaka flottur hehe ;)

Annars átti Sigrún sys 30 ára afmæli 15.júlí og hún hélt partý á Pravda fyrir vini og vandamenn. Svaka kósý hjá henni, bjór, hvítvín og smá veitingar í VIP herberginu - rosa gaman bara :) Til hamingju aftur með afmælið Sigrún mín :) Hún fékk rosa flottar gjafir, fékk til dæmis hjól og línuskauta svo nú getur hún aldeilis farið og hreyft sig skvísan. Hún og Leifur tóku einmitt prufurúnt á nýja hjólinu í gær - fóru í góðan hjólatúr...ég passaði litlu skvísurnar á meðan. Rosa gaman hjá okkur, við fórum í barbie og læknisleik :)

Svo er annar kúlubúi á leiðinni...Guðbjörg vinkona er líka ólétt - til hamingju með það Guðbjörg og Atli :) Hún er sett í byrjun janúar og er því komin tæpar 17 vikur skvísan. Svo nú er bara spurning hvort hún eignast litla vinkonu fyrir mína litlu sæt eða kannski bara framtíðar kærasta, hehe.

En jæja, gott í bili

Alda kalda :haha:

Útilega...

Fri, 07 Jul 2006 14:55:26 GMT

Já nú á að skella sér í útilegu...svaka stuð enda lítur allt út fyrir það að við fáum gott veður. Við ætlum í Húsafell og ætlum að leggja af stað sem fyrst eftir vinnu. Eigum reyndar eftir að taka allt til og versla svo vonandi verðum við ekki lögð af stað mikið seinna en sex - en við sjáum nú til hvort það standist hjá okkur...planið er að vera alla helgina og hafa það gott í sólinni, jei ;)

Fór svo í bíó í gær með mömmu, Eygló sys og Sigrúnu sys en Eygló fékk boðsmiða á mynd í Háskólabíó. Ég hélt að við værum að fara á mynd sem heitir Keeping mum en þá var Eygló búin að redda málunum og við fórum á The break up. Það var bara rosa fínt hjá okkur mæðgunum. Litla sæt lét alveg finna fyrir sér þegar verið var að kynna nýjar myndir og hasarinn byrjaði - þá fór mín af stað, hehe :D

En við skelltum okkur í Hólminn á síðustu helgi - Siggi var á æfingum hjá Snæfell en þjálfarinn kom og var með nokkrar æfingar. Við höfðum það gott hjá ömmu og afa hans Sigga en þau voru á Höfn í Hornafirði að kíkja á barnabarnabarn. Ég stoppaði þó stutt við enda komum við seinni partinn á lau og svo var ég farin um sex á sunnudaginn. Siggi var reyndar lengur því það voru æfingar á mán og þri. Við kíktum aðeins á unglingana á Færeysku dögunum í Ólafsvík. Veðrið var nú aðeins betra en í fyrra en það var rosa mikið um unga krakka - kannski erum við bara að verða svona gömul ;) en mér fannst þvílíkur munur frá því í fyrra.

Svo var ansi heppilegt að Eygló sys og Brandur voru í útilegu á Snæfellsnesi og pikkuðu mig með heim á sunnudaginn. Svo þegar við komum heim í borgina þá grilluðum við rosa gott á nýja grillinu hjá brósa - en við gáfum honum það í afmælisgjöf :)

En jæja nóg af þessu bulli, ætla að drífa mig heim og gera mig ready fyrir útilegu...

later

Alda kalda :haha:

26 vikur og 2 dagar...

Tue, 27 Jun 2006 11:03:28 GMT

Jæja, nú er alveg komin tími á smá pistil...ég er ekki búin að vera alveg nógu dugleg að skrifa hérna upp á síðkastið...

Sigrún sys útskrifaðist á laugardaginn með mastergráðu í viðskiptafræði og Fía útskrifaðist sem sjúkraþjálfari - svo má nú ekki gleyma lafðinni en hún útskrifaðist úr félagsráðgjöf - til hamingju með þetta skvísur :) Ég fór í útskriftina, en hún var í Laugardalshöllinni. Þetta var soldið langt prósess eða 2 1/2 tími en það voru rúmlega 700 manns að útskrifast! Það var síðan smá kökuveisla hjá Sigrúnu um daginn og svo fórum við í útskriftarpartý til Fíu...svaka stuð :)

Annars er allt fínt að frétta, bumban stækkar og stækkar en næsta skoðun er á morgun. Ég byrjaði í meðgöngujóga í síðustu viku en ég fer tvisvar í viku og mér líst bara rosa vel á þetta. Soldið fyndið að vera í svona tíma þar sem eru bara óléttar konur en það er líka gaman. Mamma ákvað að gefa mér þetta námskeið en ég skráði mig á 3ja mánaða námskeið - takk fyrir það elsku mamma mín :)

Ég fann svo á netinu svona teljara sem telur hvað ég er komin langt...en þar sem ég er ekki mikil tölvukona þá kann ég ekki alveg að setja hann beint á síðuna 8| Ég setti hann hérna neðst til vinstri undir Litla sæt. Á honum má sjá hvað ég er komin langt og hve margir dagar eru í litlu skvísuna ;) Ætla svo alltaf að fara búa til síðu á barnalandi svo ég geti tekið bumbumyndir og sónarmyndirnar af síðunni hjá Signýju... þá get ég líka sett inn fullt af myndum og svona þegar við erum komin í Hólminn...

Svo eru ég og Siggi örugglega að fara í Hólminn á helginni...þjálfarinn er að koma til landsins í vikunni og það verða líklega æfingar. En það kemur í ljós fljótlega...

En jæja - nóg í bili

Alda kalda :haha:

Doktorinn og Masterínan...

Tue, 06 Jun 2006 09:11:34 GMT

Núna er Sigrún sys og familí komin heim :) Það er ekkert smá gaman að þau séu komin og þær eru alveg yndislegar þessar litlu frænkur mínar. Blanda saman íslensku og ensku með miklum breskum hreim. Bara fyndið að hlusta stundum á þær, hehe :)

Leifur er svo orðin Doktor en hann útskrifaðist 12. maí síðastliðinn og Sigrún verður Masterína 24. júni :) en hún varði masterritgerðina 29. maí. Þau er svo að spá í að halda útskriftarveislu þegar Sigrún útskrifast - til hamingju með þetta Sigrún mín og Leifur :P

Hitti Margréti og Ingibjörgu í síðustu viku - rosa gaman að hitta þær. Við fengum okkur að borða á TGI Fridays og fórum svo í ísbíltúr í vesturbæinn. Margrét og Tóti fóru í sónar um daginn og fengu að vita að það er líka lítil stelpa á leiðinni hjá þeim :) Margréti var flýtt til 10. okt svo ætli við verðum ekki bara upp á fæðingadeild á sama tíma, hehe.

Annars er bara allt fínt að frétta - við erum alveg flutt niður til brósa og það er búið að koma öllum vel fyrir uppi. Ég og Siggi gerðum góð kaup í Góða Hirðinum um daginn en þá keyptum við gamlan svartan skáp á 1000 kr. til að geyma ýmislegt smádót. Svo nú er dótið okkar ekki lengur í körfu á gólfinu. Voða fínn bara :)

En nú er komið nóg í bili...

Alda kalda :haha:

2 dagar...

Wed, 24 May 2006 15:34:56 GMT

Jei nú eru bara tveir dagar í Sigrúnu sys og familí :) Ég skutlaðist með MS ritgerðina hennar upp í skóla í gær, svo nú er hún búin að skila - til hamingju með það Sigrún mín :) Ekkert smá flott hjá þér að klára þetta.

Ég og Siggi sváfum fyrstu nóttina niðri á 6B í nótt. Við byrjuðum að flytja niður í gær, fluttum mest af fötunum okkar og svo rúmið. Óskar brósi var að fara út með unglingalandsliðunum í dag svo við gripum hann í að flytja rúmið með okkur áður en hann fór. Við klárum svo að flytja allt niður í dag og á morgun svo allt verði ready fyrir Bristol-búana á föstudaginn. Við ætlum svo að hafa allt tilbúið niðri hjá Óskari áður en hann kemur heim á mánudaginn.

Yellow Bike stúlkur eru Hollandsmeistarar, þriðja árið í röð :) Þær unnu leikinn í gær og því samanlagt 4-1. Ég verð nú að viðurkenna það að það hefði nú verið gaman að geta klárað þetta með þeim en svona er þetta - maður getur ekki gert allt ;) En ég var að fá mail frá coach og hann ætlar að senda mér gull medalíu - svo ég er nú smá meistari líka ;)

Annars er allt gott að frétta - það er nóg að gera hjá okkur á næstunni, tvær útskriftir á laugardaginn og svo afmæli hjá pabba hans Sigga á sunnudaginn...

Bæ í bili...

Alda kalda og litla sæt :haha:

Næsti vetur...

Fri, 19 May 2006 11:06:39 GMT

Já nú erum við búin að ákveða að vera í Hólminum næsta vetur - ég get nú alveg sagt ykkur það að ég var nú ekkert alltof spennt fyrir þessu fyrst en þetta er allt að koma. Ég verð samt í borginni eitthvað fram eftir hausti því ég þarf að klára að vinna og svo vil ég eiga litlu dömuna hér. Siggi verður nú líklegast farinn vestur eitthvað fyrr þar sem hann þarf jú að byrja að æfa með Snæfell... en þetta á allt eftir að koma betur í ljós þegar nær dregur...

En núna eru bara 7 dagar þangað til Sigrún og familí koma, vííííí :) Hún er á fullu að klára lokaverkefnið sitt og ég er búin að lesa yfir og finnst það rosa fínt hjá henni. Það verður svo gaman að fá þau heim - það eru allir svaka spenntir heima. Ég og Siggi förum fljótlega að flytja niður til brósa en það ætti ekki að vera mikið mál þar sem við erum nú mest bara með fötin okkar. En svo þurfum við auðvitað að gera allt hreint og fínt uppi hjá mömmu og pabba.

Alda amma er núna á spítala en hún var í hnéskiptaaðgerð á þriðjudaginn. Hún verður líklegast á spítalanum í nokkra daga í viðbót en svo er spurning hvort hún kemst inn á Grensásdeildina. Ég vona það því þá er svo stutt að heimsækja hana :) En hún er bara nokkuð hress og rosa dugleg en hún er farin að fara fram úr og byrjuð að stíga í löppina. Hún sagði það í gær að hún ætlaði sko ekki að vera haltrandi það sem eftir er ;)

Svo var Eurovision í gær...ekki gekk þetta hjá okkur núna frekar en síðast! Spurning hvað við þurfum að gera til að komast áfram...finnst samt ótrúlegt hvað við erum alltaf viss um að komast áfram!

En jæja nóg í bili

Alda kalda og litla sæt :haha:

Myndir :)

Mon, 15 May 2006 10:11:48 GMT

Jæja, er búin að skanna inn sónarmyndirnar af litlu skvísunni :) Eins og vanalega set ég myndirnar inn á síðuna hjá Signýju (http://public.fotki.com/sig/sigurardttir/)

Alda kalda og litla sæt :haha:

It´s a girl :)

Fri, 12 May 2006 15:00:15 GMT

Já það er lítil stelpa að koma í heiminn núna í október :) Við vorum að koma úr sónar og það var æðislegt :) Allt leit vel út og staðfestur dagur núna er 1. október svo það breyttist ekki mikið.

Konan sem tók á móti okkur hét Kristín og var mjög elskuleg. Svo var líka ljósmóðurnemi sem fékk að fylgjast með. Litla skvísan sást bara nokkuð vel og við sáum ýmislegt, t.d. þá sást að hún var nýbúin að borða og þvagblaðran var full. Stuttu seinna þá sást að hún var búin að pissa því þá var dökki díllinn sem sást áður horfinn.

Við keyptum fimm myndir og á einni þeirra eru litlu táslurnar þar sem sést að táin við hliðina á stóru tá er stærri en stóra tá - en það er kannski ekki skrítið þar sem bæði ég og Siggi erum svoleiðis, hehe. En ég er búin að dobbla Völu í vinnunni til að skanna myndirnar inn svo ég geti sett þær á myndasíðuna :)

En nóg í bili...

Alda kalda og litla sæt :haha:

17 dagar...

Tue, 09 May 2006 09:23:24 GMT

Nú eru bara 17 dagar þangað til Sigrún sys og familí koma heim viííí :) jiii hvað tíminn er fljótur að líða. Við byrjuðum á síðustu helgi að taka til og þrífa svo ég og Siggi gætum flutt niður til brósa fljótlega. Alda amma kom og hjálpaði okkur og var alveg "brjáluð" í tiltektinni - við náðum að gera alveg slatta og nú er eiginlega allt tilbúið niðri hjá Óskari - en það er í raun bara hans gamla herbergi uppi sem er eftir og svo auðvitað við að flytja niður. En þetta gekk mun betur en ég hélt :)

Saumó í kvöld - nú er ég komin í hóp þeirra sem hættar eru í körfu - í bili að minnsta kosti, hehe. En það verður svaka gaman að hitta stelpurnar.

Yellow Bike eru komnar í úrslit - þær unnu átta liða úrslitin 2-0 og undanúrslitin 3-0 svo þær komust frekar auðveldlega í úrslitin. Þær mæta Binnenland liðinu sem varð í þriðja sæti í deildinni en það er þriðja árið í röð sem þessi lið mætast í úrslitum. Vinna þarf fjóra leiki til að verða meistarar svo nú er bara að vona að þær hafi hausinn í lagi og klári þetta með stæl..

Núna eru aðeins 3 dagar í sónar :) Bumban mín er nú aðeins farin að stækka og ég er farin að finna fyrir hreyfingum en það er rosa gaman - soldið skrítið en alveg æðislegt.

Alda kalda :haha: